Personal nga nagbisita sa banwa it Kalibo si Senator Bong Go para pangunahan ro grounbreaking it Super Health Center sa brgy. Nalook, Kalibo.
Mag-eowas kara ginpangunahan man kara ro payout sa mga benepisyaryo it wind surge sa brgy. Caano, Pook ag Mabilo.
Gintaw-an man kara it punto ro kahaegahan it anang trabaho bilang senador kung siin ginalibot nanda ro bilog nga nasyon para makapaabot it bulig sa mga pilipino nga kubos.
Sambilog sigon sa ginatutukan nanda makaron sa pagtugyan it bulig hay ro mga rehiyon nga gindaeasa it bagyo.
Batyag sigon nanda sa gobyerno ro kalisod it mga gindaeasa it bagyo eabi eon gid sa tunga ro tanan sa pagpangatubang it pandemya ag krisis.
Sa pihak nga parte, ginpahayag man kara ro pagtapna it gobyerno sa maeapnagon nga smuggling sa nasyon.
Apela kara nga protektahan ag tangkilikon ro kaugalingon nga lokal nga produkto it mga mangunguma bangud raya hay nagatindog bilang mabahoe nga parte sa aton nga ekonomiya.
