Agud nga mapaeayo ro mga pamatan-on sa mga illegal nga aktibidad ag para maipadayon ro kampanya kontra sa illegal nga droga, uman nga gin-insister makaron ni Senator Christopher Lawrence “Bong” Go ro ginaduso nga sangka hagna nga nagatuyo nga pabaskugon ro nagkaeain-eain nga programa ag inisyatibo sa patag it hinampang.
Suno kana, ro Senate Bill No. 423 ukon ro Philippine National Games (PNG) Act of 2022 hay nagatuyo nga siguraduhon ro inklusibong sistema sa paghinang it promising Filipino athletes nga nagaangkon it potensyal sa nagkaeain-eain nga patag it hinampang.
Angot kara, plano nana nga butangan it mga playing venues ag training court sa sueod mismo it eskwelahan agud nga inde eon nanda kinahang-ean pang magguwa ag makausoy it mga maensayuhan nga lugar agud inde makompromiso ro andang pag-atendir sa klase.
Sa pag-enggage suno kana sa sports hay mapaeayo ro mga pamatan-on sa illegal nga droga.
Dugang pa nana nga ro pagpaumwad ag pagpabaskog sa grassroots sports sangka maayos nga kasangkapan sa pagtaguyod it kapakanan it pumueoyong Pilipino eabi eon it mga pamatan-on.
Kahigayunan man sigon raya para sa tanan eabi eon sa mga ginasabak sa mga internasyonal nga kumpetisyon kamana man pamaagi para pabaskugon ag palig-unon ro tindog it nasyon bilang “Sports Powerhouse sa Asia”.
Ro nasambit nga gobernador hay sambilog sa mga naging dinapit nga bisita sa pagbukas it panibag-ong municipal building it lokal nga gobyerno it Buruanga nga ginpondohan it kapin sa P50 milyon pesos halin sa naging inisyatibo it senador
