NATIONAL News—Nagapadayun makaron ro pagdungog it Senado angot sa kontrobersyal nga pagbakae it gobyerno it mga overpriced Personal Protective Equipment (PPE) ag iba pang COVID-19 related supplies sa kasagsagan it pandemya.
Ginakwestiyon it Senate Blue Ribbon Committee ro pagastos it bilyong pisong haega it PS-DBM para sa pagbakae it mga natungdan nga medical supplies.
Raya eon ro ika-waeong pagdungog it panel sa nasambit nga isyu.
Naga-atender man sa pagdungog si Health Secretary Francisco Duque III ag iba pang opisyal.
Raya hay sa pihak it paandam ni Pangueong Rodrigo Duterte nga posibleng indi eon ro mga raya pagpasugtan nga magtambong sa senate hearing.
Samtang, uman man nga bumanat si Senator Richard Gordon kontra kay Pangueong Duterte.
Raya hay may kaangtanan sa naging atake kana it punong ehekutibo sa ginpatigayun kara nga talk to the people kabi-i.
