Nagdihon it resolusyon si Senator Jinggoy Estrada nga nagapanawagan it imbestigasyon angot sa security protocols sa sueod it Philippine National Police (PNP) Custodial Center sa Camp Crame.
Raya hay matapos nga ma-hostage si dating senador Leila de Lima.
Ginpahayag ni Estrada sa sangka resolusyon nga maskin naging madasig ro paghueag it mga kapulisan nga nag-euwas kay de Lima, ro insidente hay bukon gihapon it manami nga reflection sa kapasidad it PNP nga ma-secure ro nasyon.
Madumduman nga na-hostage si De Lima it kaparehong preso nga si Feliciano Sulayao Jr., matapos ma-neutralize it mga pulis ro anang daywang kaibahan nga parehong naghana nga tumakas.
Sa owa nagbuhay hay napatay man si Sulayao apang ro insidente hay nagresulta it pagkabaeaka sa kaeuwasan it mga opisyal it pulisya ag mga preso.
Presenteng una sa sueod it PNP General Hospital si De Lima samtang ginareklamo ro pagpanakit it dughan.
