Ginpunto ni Professor Danilo Arao it Department of Journalism it University of the Philippines nga sa motu proprio investigation it Commission on Elections ukon Comelec eamang abswelto si senator Rodante Marcoleta angot sa uwa pagdeklara sa anang Statement of Contributions and Expenditures (SOCE) it mga donors sa anang kampanya ko nagtaliwan nga eleksyon.
Suno kay Arao, eain pa raya sa gindihon nanda nga kaso angot sa sangka media interview kay Marcoleta kon sa siin ginbulgar nana kon sanday sin-o ro ana nga campaign sponsor nga klarong may pag-eabag sa laye ag nagapakita it kapurilan sa anang ginsumite nga datos sa Comelec.
Nauna eon nga ginklaro ni COMELEC Chairman George Garcia nga ginbase nanda sa layer o desisyon nga nag-abswelto kay Marcoleta sa saeabtong kriminal.
Sa imbestigasyon, uwa gindeklara ni Marcoleta ro tatlong donors, nga may una kunta nga criminal liability ro senador, apang sa andang pagpanaeawsaw sa section it RA 7166 may nakabaehag dikara nga repealing clause nga nagabag-o sa sangka probisyon it Omnibus Election Code nga ginabaliwala ro kriminal nga aspeto it uwa pagdeklara it kandidato it mga donors.
