Kalibo Aklan —— Duguan ro sangka senior citizen matapos nga ginbakoe it ka-live-in partner it ana mismong gumankon sa banwa it Kalibo.
Nag-angkon it lastro sa nagkaeain-eain nga parte it eawas ro biktimang si Recto Matorre, 62-anyos ag residente it Brgy. Old Buswang, Kalibo matapos nga imaw hay bakueon it live-in partner it anang gumankon kasunod it ginhimo karang kumprontasyon.
Kahapon kat maghalin ro biktima sa anang kapit-baeay kung sa siin idto man naga-inum ro live-in partner it anang gumankon.
Pag-abot sigon it biktima ginkumpronta kara ro nasambitang suspek angot sa paghusay kanda sa barangay matapos imaw nga i-reklamo it mga raya.
Ginapabutyag nga nakapangayo eon man sigon imaw kato it pagpasaylo apang kabi-i bangud sa impluwensya it aeak hay ginkumpronta kara ro suspek may kaangtanan sa gihapon sa nasambitang insidente.
Bangud sa pagka-impito hay ginbayo imaw it suspek sa nagkaeain-eain nga parte it anang eawas.
Sa makarun hay nagapadayun nga confine sa Aklan Provincial Hospital ro biktima para sa nagakaigo nga medikasyon.//Samtang, nagahimas eon it maeamig nga rehas ro suspek.
