Akig nga nagdangop sa Kalibo Municipal Police Station ro sangka senior citizen matapos nga akusahang aswang it anang mga kasimaryo, bandang ala-1 it hapon it Huwebes sa Barangay Andagao, Kalibo.
Suno sa 65-anyos nga tagreklamo nga samtang nagapanikangon sanda it anang 59 anyos nga amiga, parehong residente it nasambit nga lugar hay nakasubeang nanda ro sangka eaeaki nga andang kasimaryo ag nagpangutana kon siin sanda maga-agto.
Ginsabat sigon nana raya nga maga usoy it pamahaw.
Apang pabalang sanda nga ginsabat kara nga “eaom ko gapang aswang”?
Sambilog pa nanda nga babaye nga kasimaryo ro nag-insister nga imaw hay aswang bangud sa alegasyon nga nakita nana ro magueang nga nagatuwad tuwas sa bungsod.
Bangud sa kahuy-anan nga naagum hay nagreklamo ro biktima sa pulis para sa nagakaigo nga disposisyon.
