Suportado ni dating Pangueo Ag makaron hay House Senior Deputy Speaker Gloria Macapagal-Arroyo ro House Bill 6398 ukon hagna nga Maharlika Wealth Fund ukon MWF.
Kumpiyansa si Arroyo sa tuyo it nasambit nga hagna ag bukon eon man sigon it bag-ong ideya ro “sovereign wealth funds” bangud may mga mamalidha eon man ro nagaduso kara partikular si dating Senador Bam Aquino ko 2016.
Punto man ni Congresswoman Arroyo nga ro kadaeag-an it anumang pondo hay nakadepende sa manami nga pagdumaea.
Sa bersion nga ginaduso it Maharlika Wealth Fund, si Pangueong Bongbong Marcos ro magatindog bilang chairman of the board.
Nagapati si Arroyo nga sangka “powerful statement” eon ro pinakamataas nga opisyal it nasyon hay sangka “ultimate accountable” ukon magapanabat sa sambayanang Pilipino engkaso naging bulok ukon pumalpak ro MWF.
Dugang pa ni CGMA nga ro gobyerno hay pirmeng may pondo para iga-invest ukon iga-capital, kapareho it financial assets it Government Financial Institutions ukon GFIs, ukon reserba maghalin sa Bangko Sentral ng Pilipinas ukom BSP.
Para sa mamalidha nga sangka ekonomista, owa it dapat nga kabaeak-an sa MWF, bangud ro capital nga pagagamiton hay mga investible fund nga gina-invest eon it mga government financial institution.
