KALIBO, Aklan—Puspusan ro pagpahaom ni Shyra Asister, ro representante it nasyon sa 27th annual World Championships of Performing Arts (WCOPA) nga igapatigayon sa Longbeach, California, USA sa maabot nga June 28 hasta July 7, 2024.
Suno sa 18-anyos nga singer nga residente it isla it Boracay, nakahiligan eon nana ro pagkanta hasta sa umabot sa national competitions kon sa siin, mismong ro anang mga himata ro nagpakilaea kana sa musika.
Dugang pa it daeaga nga “winners never quit and quitters never win” rason nga gintinguhaan nana nga makilaea sa patag it musika hasta sa nabuoe ro bilog nga suporta it anang mga ginikanana bangud sa napamatud-an kara ro kamayad sa pagkanta.
Ro nasambit nga international competition hay ginakabig nga Official “Talent Olympics” para sa mga aspiring performers and entertainers kon sa siin, ro selections for official contestants hay ginpatigayon sa Estados Unidos, Canada, Caribbean, Central and South America, Europe, Asia ag South Africa.
Ro highlights it nasambit nga event hay ginakaeakipan it Parade of Nations, a Worldstars Boot camp and a global webcast kon sa siin pagapilion ro Grand Champions of the World.
