Sept. 24 nga distribusyon it social pension sa mga senior citizens sa Kalibo, tentative pa eamang

KALIBO, Aklan — Tentative pa eamang ro schedule nga Setyembre 24 sa pagpanupod it Department of Social Welfare and Development ukon DSWD it social pension para sa mga eligible nga senior citizens sa banwa it Kalibo.

Suno kay Kalibo OSCA head Aurora Ignacio nga pahabaan pa it mga lolo ag lola ro andang pasensiya bangud nga nagahilapit eon man ro andang pagbaton it financial assistance nga P6,000 para sa bilog nga 2019.

Ginpaathag kara nga mabuhay ro ginhimo nga validation sa Kalibo bangud sa kaabuon it numero it social pensioners halin  sa 16 nga barangay.

Ginpadumdum pa kara sa mga senior citizens nga indi pagkalipatan ro andag balido nga identification card ukon ID sa pagbaton it social pension .