KALIBO, Aklan — Nagpatigayon it serye it orientation ro Department of Education para sa mga manugturo sa bilog nga Western Visayas angot sa igapatuman nga three-term school calendar para sa School Year 2026–2027.
Ginpatigayon ro aktibidad sa City of Passi Arena kun sa siin gintalakay sa mga manugturo ag school officials ro mga pagbag-o sa academic calendar, kaibahan ro pagtunga it school year sa tatlong termino ag ro mga ginaeauman nga adjustment sa pagturo ag pag estimate it numero it mga estudyante.
Dugang pa nga ginklaru man ro iba pang mga polisiya nga gustong ipatuman it DepEd central office.
Suno kay DepEd spokesperson Hernani Escullar Jr., nga kaparte it orientation ro pagpaathag sa lesson planning, grading system, ag iba pang operational guidelines agud nga masiguro ro maayos nga transisyon sa bag-ong sistema.
Ginpahayag dugang nga ro serye it mga orientation makaron nga dag-on hay nagatuyo nga ipahaum ro mga teachers ag eskwelahan sa implementasyon it three-term calendar, nga ginaeauman nga mapamayad ro daeagan it pagturo ag learning outcomes it mga estudyante.
Ro three-term school calendar hay kaparte it mas maeapad nga reporma sa basic education nga igapatuman sa bilog nga nasyon sa masunod nga school year.
Nakadepende sigon sa mga private schools ag iba pang state universities and local universities nga naga offer it basic education kon sundon ukon igapatuman ro nasamnbit nga sistema.
