KALIBO, Aklan–Makabig nga hangkat ag dungog para kay Punong barangay Joel Pelayo Retino it Libas, Banga nga sangka miyembro it LGBTQ+ Community ro anang pagdaog bilang miyembro it Sangguniang Bayan ko May 9, 2022 national and local elections.
Gintaw-an it punto ni Rentino nga indi dapat maging isyu ro ‘sexual preference’ it sangka tawo sa pagserbisyo sa mga pumueoyo.
Ro kada isaea sigon hay may kinamatarong nga pamatud-an ro andang kaugalingon ag dapat raya nga irespito.
Plano ni Retino nga buytan ro committee on education ukon committee on tourism bangud nagapati imaw nga magampanan nana it maayos ro anang obligasyon.
Raya hay bangud nga may eksperyensya imaw sa pagturo sa mga estudyante bilang sangka manugturo sa sueod it limang dag-on.
Sa bahin man it turismo, maabu sigon nga mga lugar sa Banga nga posibleng maging tourist destination rason nga dapat nga mai-promote.
Ginpasiguro pa ni Kapitan Retino nga pagapadayunon nana ro anang manami nga naumpisahan sa andang barangay para sebisyuhan ro bilog nga banwa.
Nagpasaeamat man raya sa tanan nga mga tawo nga nagsuporta kana.
Eauman sigon ro anang pagiging aktibo ag mayad nga lider sa banwa it Banga.
Si Kapitan Retino hay proud member it LGBTQ+ Community.
