KALIBO, Aklan—Minilyon nga mga residente makaron it Shanghai, China ro nakapaidaeum sa lockdown umpisa pa ko Marso 28.
Raya hay bangud sa ginapangatubang nanda nga pinakamabahoe nga covid 19 outbreak.
Suno kay Bombo International Correspondent Antet Merin nga gin anunsyo it mga otoridad ko Marso 27 nga magapatuman sanda it two phased lockdown sa nasambit nga siyudad.
Magapatigayon man it mass testing agud nga mapugngan ro pagkalhit it sakit.
Apang ginalikawan it mga otoridad ro hard lockdown sa iba pang mga lugar sa nasyon.
Kun sa siin hay ginapatuman anay ro localized lockdowns agud nga maprotektahan ro andang ekonomiya.
Ko nagtaliwan nga mga domingo sigon hay amat amat nga nagiging covid hot spot ro Shanghai bangud sa padayun nga pagtaas it kaso.
Ko Marso 28 hay naglista ro siyudad it 3,500 nga mga bag-ong kaso.
Umpisa nga mag eupok ro pandemya hay naging madahan ro China sa pandemya apang uman nga nagtinaas ro covid cases sa pagtuhaw it omicron variant.
