Ginpaathag ni Sherrif Dannilo Yap ro naging proseso it pag-demolish sa panimaeay ni NAPOCACIA President German Baltazar sa Brgy. Nalook, Kalibo.
Suno kana, dag-ong 2022 nag-guwa eon ro Writ of Possession ukon court order nga nagapahalin sa mga tenant sa sangka lugar kun sa siin nag-tao eon man imaw it Notice to Vacate apagn uwa man sanda nag-halin.
Dag-ong 2023 mat-a sigon nagguwa ro Writ of Demolition ukon ro pag-mando sa pag-demolish it panimaeay, apang uwa eagi raya gin-implementar bangud nga kinahangean pa nga i-comply ro andang relocation. Dag-ong 2024, gin-taw’an eoman sigon nana sanda it Notice to Vacate.
Dugang pa nana, naging benepisyaryo sanda it relocation bangud nga gin-qualify sanda it MSWD bilang indigent. Sa idaeom sigon it laye, kinahangean nga mag-tao ro lokal nga gobyerno it relocation ukon bulig pinansyal sa mga paga-pahalinon nga tenants. Kat maberipika man sigon nga may relocation site eon, nagpatigayon sanda it Pre-Demolition conference kun sa siin ro mga naga-desider eon kara hay ro Presidential Commission for the Urban Poor (PCUP).
Sa nagtuhaw nga pagpupueong, uwa eon gina-istoryahan ro merito it kaso bangud nga ginakabig eon raya nga tapos.
Nagpanindugan si Sheriff Yap nga nag-agi sa legal nga proseso ro pag-patigayon it demolition sa baeay nanday Baltazar.
Dugang pa nana, naeubtan man sigon nana ro nababatyagan it pamilya apang, dapat man nga maeubtan nga kinahangean sa gihapon sa nga sundon ro laye nga ginapatuman.
