Maga-implementar eon lang ro Department of Education (DepEd) it tatlo nga shift sa pilang mga pampubliko nga eskwelahan bangud sa shortage sa classrooms.
“We’re now at around 165,000 classroom shortage and growing kasi hindi na kakayanin nung current budget to meet the ano eh… It would take us 30 years, probably, if we work with the current budget,” pahayag ni Education Sec. Sonny Angara.
“Buong bansa kasi ang kakulangan eh especially in populated areas like Region 4-A and NCR, grabe ‘yung… All the cities actually all over the country, mataas ang backlog,” pahayag dugang pa nana.
Nakataeanang maga-umpisa sa Hunyo 16, 2025 ro School Year 2025-2026 ag magatapos sa Marso 31, 2026.
Samtang, ginpahayag pa ni Angara, plano man nanda nga ipatuman ro online class sa Senior High School students para mataw-an it tiempo ro mga estudyante halin sa manaba nga mga grade levels nga makagamit it classroom.
Aminado si Angara nga sa pondo makaron it DepEd hay bukon pa it klaru kon makapatindog sanda it mga classrooms.
Pahayag nana nga kon pagabasehan ro pondo it Education Department, maga-abot sa 30 anyos antes sanda nga makapa-obra it mga classrooms.
Nagapati ro sekretaryo nga pinaagi sa andang kolaborasyon sa mga pribado nga kompaniya, mas mapadasig ro pagpatindog it mga dugang nga school buildings.
Sa makaron hay kapin sa 165,500 ro shortage sa classrooms sa public schools sa nasyon.
