KALIBO, AKLAN — Tatlong mag aeamigu ro naninahan kat aksidenteng eumupok ro baril it sangka bag-uhang recruit nga security guard samtang naka-duty sa sangka bar sa isla it Boracay.
Gin kilaea ro mga biktima nga sanday Carlo Poral, 23, residente it Brgy. Yapak, Boracay; John Vic Onao, 27, it Libacao, Aklan ag Romnick Villasis, 28 it Jaro, Iloilo, City, puros nagatrabaho sa isla.
Base sa report, samtang naga inuman ro tatlo sa sangka bar hay nag abot ro sambilog pa nandang amigo nga si Jason Blas, 21, residente it Barbasa, Antique nga bag-ong tapos eamang magpaidaeum sa training bilang gwardiya.
Gin pabugae sigon ni Blas ro daeang shotgun rifle sa mga amigu kat aksidenteng napaeupok ro nasambitan nga baril kun siin umigo ro mga fragments sa mga biktima.
Insigida nga gin padangat sa Aklan Provincial Hospital ro mga naninahang biktima samtang ro nasambitang security guard hay boluntaryong nag surrender sa Boracay Tourist Assistance Center (BTAC) daea ro anang baril.
