Napaseawan ro Pinoy boxing champion nga si Nonito Donaire nga makabaeos kasunod sa rematch kontra sa Japanese superstar ag undefeated nga si Naoya Inoue para sa unified bantamweight title
Raya hay pagkatapos nga matumba si Donaire it pangaywang beses sa second round tag tamaan ni Inoue.
Ginpundo it referee ro hampang sa oras nga 1:24 sa bakbakan nga ginpatigayon sa Saitama Super Arena sa Saitama, Japan.
Halatadong groge pa si Donaire sa second round matapos imaw unang ma-knockdown antes magtapos ro first round.
Mataeopangdan nga sa pag-umpisa paeang it unang round hay agresibo eagi sa pagsugod ro Pinoy apang sa ulihi nakabawi si Inoue.
Maabu ro nag-abang sa nasambit nga bakbakan kasunod man it promisa it The Filipino Flash nga pagapatumbahon kara sa unang kahigayunan ro kampeon nga si Inoue.
Ro showdown it magkaribal hay nakitaan it mainit nga bakbakan ku nagtaliwan nga dag-on it 2019 kung iin nauli sa Fight of the Year ro andang giyera sa ibabaw it ring nga umabot sa 12 rounds.
Buyot ni Inoue ro Ring Magazine/IBF bantamweight crown umpisa 2019, 4 defenses ag WBA bantamweight title umpisa 2019, 3 defenses.
Samtang si Nonito mat-a ro WBC bantamweight belt umpisa 2021, 1 defense nga kunn siin natigayon nga naagaw ni Inoue.
Sa pihak nga parte, uman nga ginpamatud-an it Japanese champ nga imaw sa gihapon ro hari sa 118 dibisyon ag sambilog sa world’s best pound-for-pound fighter.
