Kalibo Aklan ——–Nagpanghaliw-as ro sambilog sa mga lider it administration party nga PDP-Laban sa isyu nga pahalinon sigon si Senator Manny Pacquiao bilang andang party President.
Ginpahayag makaron ni PDP-Laban Vice Chairman ag Energy Sec. Alfonso Cusi, uwa sa anang agenda sa andang pueong sa maabot nga July 17 ro isyu sa pagpahalin kay Pacquiao.
Nagguwa ro nasambit nga isyu kat ginbatikos ni Pangueong Rodrigo Duterte si Pacquiao matapos sigon hambaeon it fighting Senator nga haeos triple ro korapsiyon sa administrasyon makaron.
Gin-insister ni Cusi, ro nagapanguna nana nga agenda sa andang pagtipon sa masunod nga buean hay may kaangtanan sa party membership.
Apang, aminado imaw nga posibleng makaangkon it eleksyon sa mga lider it partido.
Sa pihak kara aminado si Sec. Cusi nga “ill advised” ag saea ro diskarte ni Pacman.
Ginkumpara pa ni Cusi nga mismong si Pacquiao eon sigon ro “nagsunog it baeay ukon tulay” ag kunta hay inde pagdaeahigon ro tanan.
Gineaygayan it opisyal si Pacquiao nga kunta istoryahan anay sa mga party leaders kon may una man raya nga isyung gustong talakayon.
