KALIBO, Aklan—Nakasikyar it bronze medal ro SIBOL Valorant it Pilipinas sa nagapadayon nga 32nd Southeast Asian Games sa Phnom Penh, Cambodia.
Ro SIBOL-Oasis Gaming Valorant hay ginakomponeran nanday Nathaniel Cabero; Bhreyanne Christ Reyes; Jose Eduardo Jamir; Xavier Juan; Mark Anthony Tuling; ag George Audrey Lachica nga residente it Brgy. Andagao, Kalibo kon sa siin ro andang coach hay si Jose Carlo Jamir.
Nakuhit it koponan ro bronze medal matapos nga mapyerde sa nasambit nga pwesto ro nasyon it Vietna.
Angot kara, eubus ro kalipay ko pamilya ni Lachica matapos sambilog imaw sa naeakip sa koponan nga maga-uli it kadungganan sa Pilipinas.
Suno kay Galyn Lachica, nahilig ro anang onga sa paghampang it computer games hasta ko ulihi nga naisipan it anang ina nga bak-ean raya it computer set nga umpisa kato hay raya eon ro anang naging kabuhi.
Ginpahayag dugang nga uwa nahilig sa pagwarang ro anang onga kundi nakaatubang eamang raya sa computer ag nagadayo pa sa ibang lugar agud nga makipagsukoe sa nasambit nga hampang.
