NATIONAL News — Matapos nga nadakpan eon it mga otoridad si Kingdom of Jesus Christ leader Apollo Quiboloy, maabu ro nagapangutana kon siin maagto ro P10 million nga reward.
Ginpahayag ni Interior and Local Government Secretary Benhur Abalos nga mag-eowas kay Quiboloy, may patong man nga P1 million para sa sin-o man nga makatau it impormasyon sa iba pa nana nga kapareho nga akusado.
Dugang pa kara nga ginatugyan eon lang nana sa PNP ag sa mga nag-offer it reward ro pagdesisyon kon siin maagto ro multi-million-peso reward.
Ko Domingo, gin-anunsiyo ni Abalos ro pag-aresto kay Quiboloy sa Davao City.
Nadakpan sigon si Quiboloy sa sueod it KOJC compound kun sa siin, gin-usoy imaw it kapulisan umpisa ko Agosto 4.
Ginkumpirma man ni Eastern Mindanao Commander Lieutenant General Luis Bergante nga nagsurender si Quiboloy sa Intelligence Service it Armed Forces of the Philippines (ISAFP).
Ginpahayag ni AFP spokesperson Colonel Francel Margareth Padilla nga ro AFP ro nagasuporta sa PNP umpisa nga ginkasa ro operasyon.
