Sikat nga Japanese designer Issey Miyake namatay eon sa eadad nga 84-anyos

Nagtaliwan eon ro sikat nga Japanese fashion designer nga si Issey Miyake sa edad nga 84-anyos.

Gin-anunsiyo raya it anang kumpanya.

Namatay ro Japanese fashion designer  bangud sa liver cancer.

Ginapatigayon man it mga kapamilya kara ro  private funeral sa Japan.

Nakilaea si Miyake sa anang  unique nga mga estilo ag sa pahumot.

Nag-eskwela imaw it  graphic design sa Tokyo art University ag naghalin sa   Paris ko 1960 kung siin nagtrabaho imaw sa mga kilaeang fashion icon kapareho nanday  Guy Laroche ag Huber de Givenchy.

Naghalin imaw sa New York antes nagbalik sa tokyo ko  1970 ag ginlunsar ro  Miyake Design Studio.

Kaeakip sa  mga sikat nga obra kara hay ro  black turtle neck jumpers nga suksok ni Steve Jobs.