Aprubado eon sa ikatlo ag ulihing pagbasa sa Senado ro proposisyong laye nga magiging mandatory eon ro SIM registration.
Sa botong 20-0-0 hay naipasa eon ro Senate Bill 1310 ukon ro Act Mandating the Registration of Subscriber Identity Module (SIM) for Electronic Devices, Regulating for this purpose its Registration and Use.
Nakabaehag sa proposisyong laye nga ro mga end-users hay gina-require nga i-rehistro ro andang SIMS it public telecommunications entities (PTEs) antes ro activation kara.
Samtang, tanan sigon nga mga SIM subscribers nga may aktibong services hay dapat irehistro ro andag sim sa sueod it 180 diyas halin kat maging epektibo ro laye.
Posibleng paeawigan man it Department of Information and Communications Technology it 120 diyas ro registration.
Engkaso nga mapas-eawan ro sangka subcriber nga irehistro ro anang sim hay madeactive raya ukon maga-retiro ro SIM number ag registration.
