KALIBO, Aklan–Gin engganyo it simbahang katolika ro publiko nga magtambong sa simbang gabi basta nga magsunod sa ginapatuman nga health and safety protocol.
Suno kay Fr. Jeffrey Jimenez it St. Jude Thaddeus Church , Andagao, Kalibo nga ro Simbang Gabi hay sangka kaugalian nga pagpatigayon it misa kada tiempo it Kapaskwahan.
Ginatawag man sigon raya nga Misa de Gallo.
Sangka misa nga ginapatigayon kada aga-aga sa sueod it siyam nga adlaw antes nga mag-abot ro adlaw it Paskwa.
Maga-umpisa suno kana ro simbang gabi sa petsa 16 hasta ika-24 it Disyembre antes ro selebrasyon it pagkatawo ni Hesukristo.
Ro pagsakripisyo sigon sa pagbugtaw it aga-aga agud nga magtambong sa misa hay nagapakita it andang madaeum nga pagtu-o sa Diyos bilang preparasyon sa adlaw it Paskwa.
