Kalibo Aklan ——–Gin-engganyo it Simbahang Katolika ro publiko nga padayun gihapon nga magdahan ag magsunod sa mga ginapatuman nga minimum health protocols.
Raya hay kasunod it uman nga pagtinaas it kaso it COVID -19 sa probinsiya.
Suno kay Fr. Tudd Belandres it St. John The Baptist Cathedral nga nagapabilin sa gihapon ro paeag sa ikamayad nga eawas bangud sa pandemya .
Apang kinahangean sigon naton nga batunon ro sitwasyon ag kaintigo nga mag-adjust sa new normal .
Ginpadumdum pa ni Fr. Tudd nga ro tanan nga mga nagakatabu sa aton nga kabuhi hay may rason.
Posible suno kana nga ro pagtuhaw it pandemya hay panawagan sa tanan nga mag-dahan-dahan anay sa pagpangabuhi .
Dapat sigon nga ibutang sa isip nga ro aton nga gina-obra nga pagdahan kontra sa deadly virus hay bukon eamang it para sa kaugalingon kundi para man sa iba .
Kaeabanan sigon sa mga nagpositibo sa virus hay bukon man it essential ro andang gina-obra ukon ginapanawan.
