KALIBO, Aklan–Gin-engganyo it Simbahang Katolika ro tanan nga nga mag-adto sa simbahan makaron nga adlaw para sa pagdumdom it Ash Wednesday.
Ro Ash Wednesday hay ro opisyal nga pag-umpisa it unang adlaw it pagsueod it kuwaresma ukon lenten seson.
Suno kay Fr. Tudd Belandres, Parish Moderator it St. John the Baptist Cathedral nga raya hay 40 diyas nga ginatao it Simbahan para kita hay magpamaeandong.
Bilang kaparte it tradisyon, makit-an sa bilog nga kalibutan ro pag-adto it mga katoliko sa simbahan agud magpamati it misa ag magpabutang it abu sa dahi nga korteng krus kun siin ginapatigayon raya sa agahon ukon hapon.
Ro pagbutang it abu sa dahi hay bilang pagpadumdom katun nga mga tawo nga kita hay maghalin sa eapok ag magabalik sa eapok.
Kamana man nga ro abu hay nagakahueogan it repentance.
Ro abo nga ginagamit hay halin sa ginsunog nga lukay nga gingamit ko nagtaliwan nga dag-on.
Ro abo hay tanda it pagnu-oe ag pagbalik-loob sa Diyos.
Ro Ash Wednesday kaparehas it Biyernes Santo hay sang adlaw nga pagpuasa nga dapat sundon it mga Katoliko nga una sa edad it 18 hasta it 59 anyos.
Ro mga senior citizen hay exempted ukon bukon it kaibahan eabi eon ro mga may masakit.
Sa raya nga tyempo hugut nga ginadumilian ro pagkaon it karne kada adlaw it Martes ag Biyernes hasta sa katapusan it kuwaresma.
