KALIBO, Aklan—Ginpaathag ni Reverend Father Jude Rebaldo, Kora Paroko it St. Joseph Spouse of the Blessed Virgin Mary Church sa banga nga ro kasae hay sangka sagradong bagay.
Ro mag-asawa sigon hay nagsumpaan sa atubang it Diyos nga magiging tampad sa asawa hasta nga nagakabuhi.
Normal suno kana sa mga mag-asawa nga naga-agi sa pagsubok, apang kon may pagmaeahaean ag pagiging maeapit sa Diyos hay madali raya nga maresolba.
Ginsaysay pa ni Fr. Jude nga indi eagi mag-husga ro ibang tawo sa gulo it mag-asawa bangud nga owa nanda nasayuran ro naging ugat it andang owa pagka-ilindihan nga sanda eamang ro nakasayod.
Kon may marital problem suno kana hay magpangayo it laygay sa pari, pastor, abogado , mga suod nga amigo ag iba pa.
Ro mga unga sigon ro eubus nga apektado sa pag angkon it broken family.
Sa pihak nga parte, ginpahayag pa ni Fr. Rebaldo nga sangka abogado man nga engkaso nga mapamatud-an it korte nga nagkasaea sa kasong adultery ro misis, ro kustodiya it anang menor de edad hay maagto sa ama bangud sa posibilidad nga makulong raya.
Ro adultery sigon hay pwedeng ikaso sa sangka babaye nga kasae eon apang nakipagrelasyon pa sa ibang eaeaki mag-eowas sa anang asawa.
