KALIBO, Aklan—Ginpadumdum it Simbahang Katolika ro mga botante nga magpili it mga masaligan nga kandidato sa maabot nga eleksyon.
Suno kay Father Tudd Belandres, parish moderator it St. John the Baptist Cathedral nga simple eamang ro sueundanan sa pagboto it kandidato.
Magboto it tama ag sandig sa konsensiya.
Nakadepende sigon sa lider ro kamaeayran it kadagayaan.
Ginpahayag dugang nga gintau it Diyos ro mga kandidato, ag nakadepende gihapon sa tawo ro desisyon kon sin-o ro igaboto.
Sa pihak nga parte, gin-engganyo nana ro tanan nga maging watcher sa maabot nga eleksyon agud nga mabantayan ro kasagraduhan it boto.
Mas mayad suno kana nga magbisita sa website it CBCP agud nga makita ro guidelines it simbahan sa pagpili it angay ag bagay nga kandidato para sa kamaeayran it bilog nga nasyon.
Dugang pa nga indi magpadaea-daea sa materyal nga bagay ag mga matam-is nga promisa.
Ro kinahangean suno kana makaron hay aksyon bangud sa kaabuon it problema nga ginapangatubang it nasyon.
