KALIBO, Aklan—Padayun nga naga apela ro simbahang katolika sa mga pumueuyu nga magpasakop sa paghaead it pangamuyo para sa madasig ag eubusan nga pagmayad ni Pope Francis nga gindaea sa ospital ko February 14, 2025 bangud sa bronchitis nga ko ulihi hay nahueog sa double pneumonia.
Suno kay Fr. Jude Rebaldo, kora paroko it St. Isidore the Farmer Parish sa banwa it Nabas nga nauna eon nga nagpaguwa it mandu it Bishop Jose Corazon Talaoc nga kada parokya hay gina-require nga magpatigayon it pangamuyo para sa Santo Papa.
Base sa report it Holy See Press Office nga ro kundisyon it 88-anyos nga Santo Papa base sa mga ginpatigayon nga tests hay nagapakita it improvement apang ko ulihi hay naglala eon man raya.
Sa pihak kara, magakinahangean pa it serye it diagnostic tests agud nga masiguro ro kundisyon it anang ikamayad nga eawas.
Samtang, ginpaathag ni Fr Jude nga maskin nga may sakit ro Santo Papa hay padayun ro pagdumaea sa simbahan sa pagkatawo it iba pang opisyal .
Indi sigon pwede nga mabayluhan ro santo papa kon indi imaw magresign ukon mamatay.
