KALIBO, Aklan—Uwa pa nagakansela it mga misa ro simbahang katolika sa atubang it paeag it coronavirus disease sa nasyon.
Suno kay Fr. Jude Rebaldo, kora paroko it St. Joseph Spouse of the Blessed Virgin Mary Church sa banwa it Banga nga sa kamatuoran hay adlaw adlaw sanda nga nagapatigayon it misa, apang owa ginapasugtan ro mga tawo nga magsueod sa simbahan.
Bilang mga katoliko, kinahangean sigon nga maging responsabli kita sa paghimo it aton nga parte agud nga indi eon magkalhit ro virus pinaagi sa paglikaw sa mga mabahoe nga pagtililipon it mga tawo.
Sa pihak kara, gin-engganyo nana ro mga pumueuyu sa Banga nga magtan-aw anay it andang mga misa sa facebook live ukon magpamati sa trumpa nga andang ginbutang sa guwa it simbahan.
Mag-eowas kara, pwede man sigon nga magpamati sa Bombo Radyo sa pag-cover it mga misa kada Domingo nga adlaw kamana man sa mga telebisyon.
Gindugang pa ni Fr. Jude nga mabahoe ro maibulig it pangamuyo makaron nga tiempo nga nagapangatubang ro bilog nga kalibutan sa krisis bangud sa COVID-19.
