Ginmandu it Department of Education ukon DepEd Region 6 sa tanan nga mga public schools ro pagpatigayon it sangka simple nga moving up ag graduation ceremony ag “no collection policy” sa pagpatigayon it year end school rites sa Marso 30 ag 31, 2026.
Suno kay DepEd spokesperson Hernani Escullar Jr., nga ro nasambit nga mandu hay naeakip sa DepEd Memo No. 15, series of 2026 ukon ro conduct of K-12 Basic Education Program End of School year rites para sa School year 2025-2026.
Indi dapat sigon nga piliton ro pagpasuksok it magarbo nga mga eambong sa graduation ag pwede ro school uniform eamang.
Kinahangean suno kana nakataeana eon ro principal it pondo sa MOOE, sa nasambit nga school year para gamiton sa recognition ag graduation rites.
Engkaso nga may grupo ukon indibidwal nga mag-offer it anuman nga bulig ukon donasyon para sa graduation dapat raya nga bulontaryo ag owa it matabu nga koleksyon sa sueod it eskwelahan.
Dugang pa nga kon nagahalin sa PTA dapat nga aprubado it mga miyembro ag bukon it mandatory.
Samtang, ro sin-o man nga may reklamo hay pwedeng magdangop sa andang taeatapan.
