NATIONAL News — Nagapahaum eon si Blessie Mae Abagat, singer halin sa Camaligan, Camarines Sur nga magkanta para sa ika-tatlo nga State of the Nation Address (SONA) ni Presidente Ferdinand Marcos Jr. sa Lunes, Hulyo 22.
Para masiguro ro flawless nga performance it national anthem, nagapaidaeom imaw sa intensive training.
Ro 27 anyos nga singer hay gin-coach it mga trainers halin sa World Championship it Performing Arts (WCOPA) Philippines.
Suno kay Abagat, owa imaw nagaeaum nga mapilian para magkanta it national anthem sa SONA sa atubang it mga lider it nasyon.
“I was shocked when Darius (Miguel) messaged me, sabi niya, ‘Ate, block your July 22 for SONA. Hindi talaga agad nag sink in sa akin na ako pala yung napili to sing the national anthem for SONA,” pahayag nana.
Si Miguel, sambilog sa mga kilaea nga provincial directors it WCOPA Philippines.
Base sa pahayag ni WCOPA Philippines Creative Director Annie Mercado, ginhinyo ni Broadcast Production Franz Gerard Imperial kay WCOPA Philippines National Director Gerry Mercado ro mga pangaean it nakabo-oe it gold halin sa competition, kaibahan eon si Blessie nga ginpili matapos ro maid-id nga deliberasyon.
Ginakilaea si Abagat nga multi-awarded artist nga nagdaea it dungog sa nasyon matapos nga maghakot it maabu nga medalya halin sa prestigious international competition.
