Tempranong nabiyuda sa edad nga 20 si S. Petchiammal matapos atakehon sa tagipusuon ro anang asawa.
Naga-isaeahanon eon lang nana nga ginasuportahan ro anang unga rason nga napilitan imaw nga magtrabaho bilang construction worker ag bellboy sa mga hotel.
Bangud sa klase it mga trabaho nga anang ginasudlan, kaeabanan nga nakaka-experiensiya it pagpang-ismol ag pagpangbastos si Petchiammal halin sa mga katrabahong eaeaki.
Raya ro nagtueod kana nga magpakuno-kuno ag magpangabuhi bilang sangka eaeaki.
Nagsaylo si Petchiammal kaibahan ro unga sa maeayo nga lugar kun sa siin owa it nakakilaea kanda.
Raya hay agud nga maging madali ro pagbag-o nana it identity.
Kaeakip it pagbag-o it identity, ginbayluhan nana ro anang pangaean ag ginkilaea imaw bilang si “Muthu”.
Bangud sa pagbag-o it pagkatawo, mas naging madali eon kana nga mabaton sa trabaho.
Ginpanindugan ni Petchiammal ro pagpakuno-kuno sa sueod it tatlong dekada, makaron hay may kaugalingon eon nga pamilya ro anang unga, nagdesisyon eon imaw nga akuon sa mga kakilaea nga imaw hay sangka babaye.
Nagkalhit sa social media ro life story ni Petchiammal ag maabu ro natabing ro tagipusuon ag nagdayaw sa anang kaisog ag determinasyon nga suportahan ro anang naga-isaeahanon nga unga.
Apang maskin nga nag aku eon imaw sa anang matuod nga pagkatawo, mas ginpili gihapon nana nga magpangabuhi bilang si Muthu bangud nga nasanay eon imaw sa anang identity.
