Nagpatigayon it kauna-unahan nga clinical trial ro chinese drug maker nga Sinopharm kaibahan ro University of Hongkong (UHK) para sa paghimu it bakuna target ro highly transmissible nga Omicron variant.
Ginpakigbahin it research teams sa sangka joint press conference nga nagaguwa eon ro Omicron variant nga may kapasidad nga makontra ro bakuna nga makapaapekto sa efficacy ag proteksyong gina-angkon maghalin sa presenteng available nga COVID-19 vaccines bangud sa paghina it antibodies sa pagtaliwan it mga inadlaw kung siin kinahangean nga maka-angkon it Omicron-targeting vaccine.
Suno sa Sinopharm gina-umpisahan eon kara ro pag-develop it bakuna matapos nga makabaton it Omicron virus genome nga maghalin sa sangka traveler maghalin sa South Africa ku nagtaliwan nga Nobyembre dag-ong 2021.
Target nga makumpleto it researchers ro recruitment process para sa clinical trial kaibahan ro kapin sa 1,800 nga makusog nga adult volunteers sa buean it Hulyo ag makumpleto ro vaccination sa buean it Agosto.
Samtang, ginaeauman nga maging haum ro data analysis it clinical trial sa Oktubre ag ro timeline para sa aplikasyon sa registration ag EUA it bakuna ag maging available sa publiko sa Nobiyembre.
