Health News——— Ginaeauman sa masunod nga buean hay makaangkon eon sigon it regulatory ukon Chinese FDA approval para sa general use it anuman sa ap-at nga COVID-19 vaccines.
Ginpahayag ni Philippine Ambasador to China Jose Santiago “Chito” Sta. Romana, presenteng una sa final stage ukon phase 3 eon ro ap-at nga mga bakuna nga ginakaeakipan it Sinovac.
Suno kay Amb. Sta. Romana, sa kamatuoran sigon hay nag-umpisa eon sa produksyon ro pilang pharmaceutical companies sa China apang limitadong numero pa eamang.
Base sa anunsyo it Chinese health officials, target nandang makahimo it hasta sa 600 million doses it bakuna pag-abot it Disyembre.
Ginabantayan eon lang makaron ro pag-apruba it Chinese FDA sa COVID-19 vaccine pagkatapos it ulihing quarter it clinical trial sa katapusan it Oktuibre ukon sa unang bahin it Nobyembre.
