KALIBO, Aklan—Ro “China made” nga Sinovac vaccine eamang ro naga-isaeahanon nga ginagamit nga bakuna sa China.
Apang suno kay Bombo International Correspondent Antet Meren it Hangzhou, China ag tumandok it banwa it Banga nga “for sale” ukon ginabaligya ro nasambit nga bakuna sa mga gustong magpaturok.
Obligado suno kana ro tanan nga mga pumueuyu nga magpabakuna bangud nga indi pagapasugtan nga makasueod it mga mall, restaurants , bar ag iba pang saradong lugar ro mga bukon it fully vaccinated.
Ginatun-an eon man sigon it gobyerno it beijing ro pag-apruba sa anuman nga bakuna nga himo halin sa ibang nasyon agud nga magamit sa mainland China.
Aminado ro pilang nagapangunang opisyal it disease control sa china nga ro andang bakuna nga Sinovac hay may manaba nga proteksyon kontra sa Coronavirus ag ro paghalo kara it ibang bakuna ro sambilog sa mga ginakonsidera nga istratehiya agud nga mapabaskog ro anang pagiging epektibo.
Madumduman nga ro China ro nagapanguna makaron sa may pinaka-maabu nga na-distribute nga doses it bakuna sa nagkaeain-eain nga mga nasyon kamana man sa andang kaugalingon nga mass immunization campaign.
Sa pihak nga parte, gindugang pa ni Meren nga uman nga nag instrikto sa andang lugar sa hangzhou matapos nga may na-monitor nga sangka kaso it covid 19.
Maskin nga owa it restrictions, apang uman nga ginmanduan ro tanan nga magsuksok it face mask ag ginabawaean ro mga tawo nga mag-agto maeapit sa lugar nga may nailistang bag-ong kaso.
