‘Siony’ , nagapaeayo eun sa PH; bag-ong low pressure area, nagapaeapit sa nasyon

Weather Update ——-Nagapaguwa eun  sa Philippine area of responsibility (PAR)  ro severe tropical storm Siony nga may international name nga Atsani.

Raya hay matapos nga magpanaeasa ro nasambitan nga bagyo sa extreme Northern Luzon.

Ulihing nakit-an ro sentro  it  bagyo sa eayong 130 km sa natungdan naaminhan  natungdan it  Itbayat, Batanes.

Daea kara ro kabaskugon it  hangin nga 95 kph ag may pagbugsong 115 kph.

Nagahueag ro bagyo paadto it natungdan naaminhan natungdan sa kadasigon nga  20 kph.

Samtang nagsueod eun  sa PAR  ro  ginabantayang low pressure area (LPA) sa  nasidlangan it nasyon.

Nakit-an raya sa eayong 1,000 km sa nasidlangan  it  Eastern Visayas.