Ginakabig it Local Government Unit it Kalibo nga makasaysayan ro sister-city pact it Iloilo City ag banwa it Kalibo.
Ginpangunahan ni Mayor Juris Sucro ag Mayor Jerry Trenas eakip ro mga opisyales ku konseho it kada LGU ro signing it sisterhood agreement nga ginhiwat sa Iloilo City ku June 28.
Suno kay Sangguniang Bayan Member SB Philip Yerro Kimpo nga katuyuan kara nga mapabaskog pa ro turismo it kada lugar eabi eun ro mga mabahuean ukon kilaea nga selebrasyon it Dinagyang ag Ati-atihan Festival nga parehong ginahiwat kada Enero apang sa eain nga dominggo.
Daean man raya para nga maka’access ukon mapaeapit pa ro mga Kalibonhon sa mga job fairs sa nasambitan nga syudad.
Pahayag ni Hon. Kimpo nga mag’euwas sa promotion it tourism industry masaligan man ro sister-city pact sa tunga it mga kalamidad kun siin nga magatao ukon magahatod it bulig ro kada isaea nga LGUs.
Handum man sigon ku mga opisyales it Iloilo City nga makabisita sa Kalibo ngani nga raya hay igaschedule sigon sa mga masunod nga mga binuean.
Sa makaron ginakabig nga raya hay may manami ag mabahoe nga epekto sa Kalibo ag pati man sa Aklan bangud nga ro Kalibo hay kabisera it probinsiya.
Paathag pa ni Hon. Kimpo nga makabig raya nga historical bangud nga pinili nanda ro maeapit nga syudad sa pagpati nga maabo ro matun’an it banwa it Kalibo sa syudad it Iloilo.
