KALIBO, Aklan—Kontrolado eon sa makaron ro sitwasyon it Coronavirus Disease 2019 ukon COVID-19 sa Brgy. Balabag sa isla it Boracay.
Raya hay kasunod it ginpatuman nga Enhanced Community Quarantine (ECQ) sa nasambit nga lugar kasunod it pag-abu it kaso it COVID-19 infection.
Suno kay Punong Barangay Jason Talapian it nasambit nga barangay nga naghagan-hagan eon ro presenteng sitwasyon sa anang nasakupan.
Owa eon man sigon sanda it nailistang bag-ong kaso kamana man nga owa eon it ginahueat nga resulta it swab test.
Ginahueat eon lang sigon nanda nga maka-recover ro tanan nga dinapuan it deadly virus.
Angot kara, padayun suno kana ro andang ginahimo nga monitoring ag distribusyon it food packs sa mga apektadong residente.
Kun sa siin, kapin sa 3,000 ka mga household ro apektado it lockdown.
Nagaeaum man imaw nga indi eon mapaeawig pa ro ECQ nga ginpatuman sa andang barangay hasta Abril 14.
Nag-apela man raya sa publiko nga padayun nga sundon ro health and safety protocols agud malikawan ro pagkalhit it virus.
