KALIBO, Aklan—Haeos balik eon sa normal ro pagpangabuhi it mga pumueoyo sa nagkaeain-eain nga estado it Amerika.
Suno kay Bombo International Correspondent Cha Reyes it Virginia, USA nga haeos 80 porsyento eon it kabilugan nga populasyon ro nabakunahan kun siin 70 porsyento sa mga raya ro fully vaccinated eon.
Ro mga indibidwal nga nakabaton eon sigon it 2nd dose it bakuna hay indi eon kinahang-ean nga magsuksok it facemask mag-eowas eon lang sa pilang pampublikong transportasyon ag ospital nga naga-require nga magsuksok gihapon it face mask.
Maskin ro mga negosyo ag establisyemnto suno kana hay uman eon nga nagbalik sa normal nga operasyon.
Dugang pa ni Reyes nga may pilang ka mga estado nga nagatao pa it cash incentives para mga gustong magpabakuna.
Sa makaron, ro mga indibiwdwal eon lang nga owa nagpabakuna ro masami nga nagasuksok it face mask sa mga pampublikong lugar.
