Matawhay ro presenteng sitwasyon it mga OFW ag mga pumueyo sa Lebanon.
Suno kay Marisol Cahilig Ingalla, Bombo International News Correspondent sa Lebanon, mahipos sa makaron ro andang lugar. Apang, ku adlaw it Huwebes, maabo ro andang ginbomba nga lugar kun sa siin haeos waskon nanda ro bilog nga lugar.
Dugang pa kara, ginatos nga mga sibilyan ro nadamay sa nasambit nga pagpang-bomba, kaibahan ro mga inunga ag mga magueang.
Gintarget it pagpang-bomba ro ibang mga head quarters it Hezbollah pati eon man mga partikular nga tawo ukon myembro it nasambit nga grupo. Napabalita man nga may mataas nga opisyal nga napatay sa pagpang-bomba.
Paathag pa nana, dag-ong 2024 kat nag-umpisa ro kinagamo sa tunga it Israel ag Lebanon apang insigida man raya nga nag-angkon it ceasefire. Apang uman nga nauman ro kinagamo kat mag-intral ro Hezbollah sa away it U.S-Israel kontra Iran.
Una sigon ro kahadlok kanda, eabi eon ro mga OFWs nga naga-tinir sa syudad, apang uwa sanda it mahimo bangud nga uwa man sigon it matabo kun umuli sanda sa Pilipinas.
Uwa man sigon naga-kueang ro Philippine Embassy sa andang lugar nga magpadumdom sa mga raya nga kun gusto magpa-repatriate hay indi mag daywang isip nga magc-contact kanda.
