KALIBO, Aklan—Bangud sa mga ginapatuman nga pag-instrikto ag pagtukod it checkpoint sa mga kabarangayan, nakaangkon man it kalinong ag katawhay sa mga housing unit it Brgy. Briones, Kalibo.
Suno kay Punong Barangay Rafael Briones it nasambit nga lugar nga umpisa nga ginpaidaeom sa Modified Enhanced Community Quarantine (MECQ) ro bilog nga probinsya it Aklan, nabawasan eon ro mga insidente it panakawan ag kinagamo sa pabahay.
Pila sigon sa mga suspek hay anda eon nga nadakpan ag ginpasakaan it nagakaigo nga kaso mag-eowas sa mga menor-de-edad.
Gin-engganyo man kara ro mga pumueoyo nga magdangop sa barangay ukon taeatapan it pulisya engkaso nga may uman nga magtuhaw nga krimen.
Samtang, aminado si Briones nga may nagakatabo gihapon nga kinagamo sa sueod it komunidad bangud sigon sa sari-sari ro mga tawo nga naga-istar kara.
Nagaeaum man ro opisyal nga maging responsable eon ro mga residente ag indi pagpabay-an nga owa it tawo ro andang housing unit.
