-- ADVERTISEMENT --
Pormal eon nga gin-anunsyo it Philadelphia 76ers ro nabilog nga bag-ong kontrata nga ginpirmahan it veteran NBA superstar nga si James Harden para magpabilin sa andang koponan.
Apisar nga owa gindetalye it mayad ro mga termino, ginasugid nga ro kontrata ni Harden hay nagabalor it $68.6 million para sa sueod it daywang dag-on nga paghampang ag may player options pagkatapos.
Una eon nga ginpahayag it 10-time All-Star guard ag three time scoring champion nga haum imaw nga magbaton it mas manaba nga sweldo basta magkampeon eamang sanda ag makabuoe it dugang pang mga mayad nga players ro Sixers.
