KALIBO, Aklan—Nagpatigayon it Advocacy Campaign Wall Painting Contest ro Sangguniang Kabataan it Barangay Solido, Nabas.
Suno kay SK Chairman Jayson Barrientos it Brgy. Solido Nabas nga tuyo it aktibidad nga makahatod it impormasyon sa publiko makarun nga haeos makaalarma eun ro sitwasyon nga ginapangatubang it nasyon kung sa siin padayun sa gihapon ro pag-ilinabo it mga kaso it bullying, pagpanakit sa andang isigkatawo, krimen ag maabo pang iba.
Pamaagi sa mga makolor nga mural paintings hay ginpakita it mga artist ro nagakatabo ag isyu sa kumunidad.
Mag-euwas sa pagpanami it lugar, ro street art nga ginatawag nandang “Advocacy Wall” hay magaserbi man nga padumdom sa mga dapat masayuran it publiko.
Nagdugang man it atraksyon sa lugar ro mga nagkaeain eain nga desinyo it pintura.
Nasayuran nga ro mga naging topiko sa nasambitang wall painting hay ro mga masunod:
Wall #1: ENVIRONMENTAL AWARENESS
Wall #2: STOP THE KILLINGS
Wall #3: SPIRITUAL NURTURANCE
Wall #4: PANDEMIC COVID-19
Wall #5: NO TO SUICIDE
Wall #6: ANTI-DRUG CAMPAIGN
Wall #7: HIV/AIDS AWARENESS
Wall #8: DEPRESSION
Wall #9: STOP BULLYING
Wall #10: TEENAGE PREGNANCY
Wall #11: ONLINE ADDICTION
Wall #12: IMPORTANCE OF EDUCATION
ag GENDER EQUALITY
