KALIBO, Aklan–Nagpatigayun it sangka programa ro daeangpan it mga kababayin-an sa banwa it Kalibo kaangot sa selebrasyon it Women’s Month makaron nga buean it Marso.
Ginpahayag ni Edna Dela Cruz Enriquez, Federation President it Samahan it mga Kababayin-an sa Banwa it Kalibo (SKBK) nga nagkangay sanda it mga babayeng representante halin sa 16 nga kabarangayan.
Naka-sentro sigon ro programa sa pagpadumdum sa mga babaye angot sa andang kinamatarong ag kung ano ro andang kontribusyon sa komunidad.
Gintaw-an it punto ni Enriquez nga kaibahan ro mga babaye sa pag-umwad it sangka banwa.
Tuyo sigon it aktibidad nga mapaeayo ro mga babaye sa mapang-abuso nga relasyon ukon sitwasyon partikular ro physical, verbal, emotional ag financially abuse.
Raya sigon hay dag-unan nanda nga ginapatigayun bilang pagtao it pagkilaea ag pagpasidungog sa karakter it mga kababayin-an.
Ginpaathag pa kara maabu nga mga benepisyo eon ro naangkon it andang mga miyembro halin sa gobyerno kaeakip ro pagpatigayun it libreng training ag seminar para sa andang pangabuhian.
