Ginsug-aeaw it anang mga basher ro Ex-Batallion Rapper nga si Skusta Clee matapos tambungan ro sangka event sa Clark, Pampanga.
Nasayuran nga gin-imbitahan si Skusta bilang guest performer sa Clark Aurora Fest 2022 sa sangka Hot Air Baloon ag Music Festival nga ginhiwat ko Biyernes it gabi-i.
Sa sangka video post sa social media, maabu sa mga audience ro nagsinggitan it “cheater” kat magkanta eon si Skusta, kung siin ro iba pa kanda hay nakaalsa ro alima samtang naka-dirty finger para ipabatyag ro andang pagkadismaya ag kaakig sa rapper.
Raya hay matapos ro gina-alegar nga pagpangloko ni Skusta ag pagbueag nanda it Vlogger nga si Zeinab Harake.
Suno sa mga netizen, deserve sigon ni Skusta nga makabaton it pagpang-bash sa publiko bangud sa ginhimo kara nga kalokohan sa anang pamilya.
