KALIBO, Aklan — Nagapangatubang sa kasong pag-eabag sa Republic Act 9165 ukon Comprehensive Dangerous Drugs Act of 2002 ro sangka eaeaki nga ginakabig nga sangka Street Level Individual matapos nga maaresto sa ginkasa nga buy-bust operation it mga miyembro it Kalibo Municipal Police Station ag Provincial Drug Enforcement Unit sa C. Laserna St. Brgy. Poblacion, Kalibo, gabi-i it Biyernes, Disyembre 27.
Ginkilaea ro naarestong suspek nga si alyas “Alog”, tumandok it Mandaluyong City, nagatrabaho bilang helper sa sangka karinderya ag presente nga naga-istar sa nasambit nga lugar.
Nakumpiska sa suspek ro sangka sachet it ginadudahan nga shabu ag P10,000 nga gingamit bilang buy bust money.
Owa it iba pang droga nga nabo-oe sa anang posisyon ag kontrol sa ginpatigayon nga body search.
Aminado man ro suspek sa anang pag-sideline bilang pusher ukon pagduso it droga bangud sa gina alegar nga kapigaduhon it pagpangabuhi.
