KALIBO, Aklan — Ginadayo makaron sa sangka ostrich farm ro andang ginatanyag nga snake massage sa Brgy. New Buswang, Kalibo, Aklan.
Suno kay Ramon Dio, tag-ana it farm nga umpisa nga buksan ro snake massage, maabu ro nagahandum nga raya hay ma-eksperiensiyahan.
Magkapares nga mga mabahoe nga Burmese python ag Albino Burmese python ro nagapulupot ag nagakamang-kamag sa eawas it sangka bisita nga gustong ma-testing ro tumaeagsahon nga klase it therapeutic relaxation.
Ginpasiguro man kara nga eowas ro andang snake massage bangud nga owa man nagapang-tuklaw ro nasambit nga mga sawa mag-eowas pa nga ginsanay ro mga raya.
Tuyo man kara nga maduea ro kahadlok sa sawa.
Ginpahayag pa ni Mr. Dio nga sa makaron hay owa pa sanda nagapanukot, apang nagapangayo it donasyon.
Ginaeauman nga pinaagi sa snake massage nga kauna-unahan sa probinsiya it Aklan hay mas pang magabaskog ro industriya it turismo sa banwa it Kalibo bangud sa bag-ong atraksyon sa nasambit nga farm.
