KALIBO, Aklan—Gina-monitor makaron it pulisya ro social media nga kaeabanan nga ginagamit it mga sabungero agud nga mag-imbitar it ginapatigayon nga illegal nga bueang ukon bueo-bueo.
Ginpahayag ni P/Capt. Willian Aguirre, OIC it Provincial Intelligence Unit ag head it Provincial Anti-illegal Gambling Task Force nga kaeabanan nga nagahimo it group chat ro mga raya para sa pag-anunsyo it andang schedule it bueang nga ginapatigayon sa mga maeayo ukon tago nga lugar.
Ginpadumdum man nana sa mga cockfighting aficionado nga ro sugae hay makabig nga anti poor ag mas pa nga makapa-grabe sa pigadong sitwasyon it sangka pamilya.
Gindugang pa kara nga hugut nanda raya nga ginatutukan makaron bangud sa ginapangatubang nga covid 19 pandemic kun sa siin hugut pa nga ginabawae ro pagtumpok tumpok it mga tawo.
