Nagpangibabaw ro mga trolls ko nagtaliwan nga eleksyon.
Sanda ro nagpa-grabe it fake news ag nagpagulo it eleksyon
Makaron nga may ginaeauman nga sambilog pang eleksyon, indi eon dapat nga makaporma ro mga saeot ngara sa social media.
Angot kara, pabor ro Comelec nga dapat eon nga magpasa it sangka laye para sa pag-regulate sa social media agud nga masuk-ean ro pagkalhit it trolls, eabi eon sa kainitan it eleksyon.
Panawagan nga maipursige ro pag-angkon it social media regulation sa nasyon partikular sa tiempo it kampanya ukon eleksyon.
Nasayuran man naton nga kon owa it laye, indi eubus nga mapatuman ro regulasyon para makasuhan ro troll sa social media ag maipakulong.
Sa makaron, ro mahimo eon lang it poll body hay magdihon it cyber libel kontra sa eakot nga indibidwal, eabi eon kun ro post kara hay makabig nga harmful.
Nauna eon nga nagbilog ro Comelec it Task Force Kontra Fake News agud nga masuk-ean ro anuman nga paghana agud nga samaron ro kredibilidad it electoral process it nagtaliwan nga eleksyon makaron nga dag-on.
Apang bukon raya it bastante kun owa it laye.
Sangka laye nga magaserbing paandam sa tanan nga indi magiging epektibo ro pagpang gulo online.// May mabakod eon nga mandu ag penalidad sa mga maga-eabag ag may makasuhan.
Ag samtang owa pa ro nasambit nga laye, magapabilin kita nga maaeam ag indi magpabiktima.
