Padayon nga gina-beripika it Aklan Police Provincial Office (APPO) ro sangka insidente it gina-alegar nga prostitusyon sa sangka Facebook Page sa probinsya it Aklan.
Suno kay PCpt. Aubrey Ayon, tagapaghambae it nasmabit nga taeatapan, nga sa makaron hay ongoing pa ro andang validation ag monitoring sa nasmabit nga Fb Page.
Indi eagi sigon raya ma-biripika bangud nga bukon it derekta mga prostitusyon ro andang mga ginpang-post, kundi may mga terminolohiya sandang nagamit.// Ro nasambitan nga page hay orihinal nga ginagamit sa pagbaligya it mga nagkaeain-eain nga produkto, apang may pipilang nakasingit nga mga converstion kun sa siin madja naga-tumod raya sa pagpang-bugaw ukon prostitusyon.’
Dugang pa kara, na-identify eon nanda ro nasambitan nga page, kun sa siin pag-ma taeupangdan eon nanda ro buot singhanon it mga terminolohiya nga ginagamit hya eagi nga maga-umpisa ro magiging askyon it kapulisyahan.
Posible nga mag-atubang sa kasong RA 10175 ukon to Cybercrime Prevention Act of 2002 ro mga imbolbado, samtang kun mapatud-ang may pagpang-bugaw nga nagakatabo, posibleng mag-atubang ro mga imbolbado sa Anti -trafficking in persons act of 2005.
Ginpasiguro man ni PCpt. Ayon nga uwa it nagakatabo nga prostitusyon sa probinsya, baliskad sa ginapaguwa it nasambit nga FB Page.
Sa makaron, padayon man sandang nagapatigayon it information dissemination para mga nagkaeain-eain nga padumdom ag safety tips para sa mga Akeanon.
